Preguntanan frekuente
Ki dia e transishon pa APC Bank lo tuma lugá?
E transishon lo ta kla pa 1 di yüli 2025. Te ku 30 di yüni, bo ta sigui atendé bo asuntunan bankario na PSB Bank manera kustumber.
Mi mester hasi algu pa e transishon?
No. Bo kuenta lo migra outomátikamente; no ta nesesario pa tuma ningun akshon di bo parti.
Mi interes i kondishonnan lo kambia?
No. Tur tasa di interes i otro palabrashon kontraktual eksistente ta keda meskos.
Mi number di kuenta lo kambia?
Bo number di kuenta ta keda meskos pa awor.
Kiko ta pasa ku mi kuenta(nan) di spar i mi “time deposit”?
Bo interes riba produktonan di spar i kondishonnan di bo “time deposit” ta keda mekos. Kualke interes akumulá pero no pagá tambe lo transferí pa APC Bank.
Mi tin un buki di spar. Kiko mi mester hasi?
Bo buki di spar lo no ta den uzo mas na APC Bank. Sinembargo, bo kuenta lo migra pa APC Bank ku e mesun kondishonnan. Na APC Bank, bo por apliká pa servisionan manera internet banking, mobile banking òf tarheta di débito. PSB Bank lo generá un estado di kuenta final, reflehando bo último transakshonnan te ku 30 di yüni 2025.
Kon lo atendé ku mi fiansa(nan)?
APC Bank lo sigui ku bo fiansa ku e mesun interes i skema di pago. Bo pago mensual lo no kambia.
Mi pólisanan di seguro aktual ta keda bálido?
Si. Tur pólisa di seguro eksistente ta keda na vigor.
Mi por habri un kuenta nobo òf apliká pa un fiansa nobo na PSB Bank promé ku e kambio?
Sí, klientenan eksistente por apliká pa un produkto nobo dor di traha un sita i suheto na e fechanan límite aki:
Si bo no tin un kuenta na PSB Bank, bo tambe por apliká pa produktonan nobo na PSB Bank pa mas tardá dia:
- Kuenta koriente, skuenta di spar i “time deposits”: djabièrnè 20 di yüni 2025
- Fiansa: djabièrnè 20 di yüni 2025
- Hipotek: djaluna 30 di yüni 2025
Si bo no tin un kuenta na PSB Bank, bo tambe por apliká pa produktonan nobo na PSB Bank pa mas tardá dia:
- Kuenta koriente, kuenta di spar i “time deposits”: djabièrnè 13 di yüni 2025
- Fiansa: djabièrnè 30 di mei 2025
- Hipotek: djaluna 30 di yüni 2025
Mi por habri un kuenta òf apliká pa un fiansa despues di e último fechanan di aplikashon?
Nò. Despues di e último fechanan di aplikashon, lo no habri kuenta nobo na PSB Bank. Sinembargo, nos lo warda bo datonan di kontakto pa asina APC Bank por tuma kontakto ku bo, unabes ku nan habri.
Mi pagonan outomátiko ta keda meskos?
Si. Tur pago outomátiko eksistente ta keda aktivo i lo keda meskos.
Unda mi por risibí informashon aktualisá?
Bo por risibí informashon aktualisá via nos wèpsait Facebook i Instagram. Nos lo komuniká via medionan tradishonal (korant i radio) tambe. Mas aleu, por fabor, perkurá pa nos tin bo e-mail adrès den fail, pa nos por manda bo tur aktualisashon direktamente. Si nos tin esaki kaba, djis tene bo e-mail na bista.
Mi no tin un e-mail adrès ni tampoko kuenta di medionan sosial. Kon mi por keda informá?
Por fabor tuma kontakto ku nos tim di Servisio na kliente na +599 9 432 2000 i gustosamente nos lo duna bo mas instrukshon.
Kon mi por risibí informashon adishonal?
Bo mester di yudansa òf mas informashon?
- Yama nos na +599 9 432 2000
- Manda un email na info@psbbanknv.com
- Sigui nos riba Facebook and Instagram pa e último anunsionan
PSB Bank ta gradisí bo pa 120 aña di konfiansa i ta invitá bo pa sigui skibi historia na APC Bank.
